喺香港嘅時候，冬天最鐘意幫襯車仔檔嘅烤蕃薯同埋炒栗子。就算唔食，拎住一包喺手當暖手包亦暖在心頭。瑞典人一樣有糖炒，不過就唔炒栗子，鐘意炒杏仁。糖炒杏仁係瑞典很普遍嘅街頭小食，數十元一包咬到牙軟都食唔曬。
11月嘅瑞典天氣極差，又凍，又黑，又大霧，就整個糖烤栗子慰藉下壞心情。糖烤栗子做法不難但煩瑣，係要花點時間。烤過嘅栗子浸滿蜜糖，一出爐香味四溢，外殻烤到脆脆。急不及待襯熱開嚟食，點知咬落硬到石頭咁，一大盤只有少於一半能吃入口⋯
事後朋友話我知歐洲栗子品種好似特別硬，有別於香港食開嘅。有冇人可以話我知到底係品種問題？定係我揀咗啲唔靚嘅？